Vdes turistja italiane, burri i saj në gjendje të rëndë

Një person ka humbur jetën dhe një tjetër ka ngelur i plagosur nga aksidenti i ndodhur në aksin Sarandë-Ksamil, tek vendi i njohur ndryshe si Hidrovori.

Burimet të mediave shqiptare bëjnë me dije se në aksident janë përfshirë një makinë dhe një motoçikletë, në të cilën udhëtonin dy turistë italianë. Viktimë është një turiste italiane, ndërsa bashkëshorti i saj ndodhet në gjendje të rëndë në spitalin e Sarandës, përcjell albinfo.ch.

Automjeti tip Ford me targa AA 609 UD është përplasur me një motoçikletë tip Piaggio me targa AL 429, ku si pasojë ka humbur jetën një shtetase italiane dhe është plagosur rëndë drejtuesi i këtij motori, të dy shtetas italianë me banim në Genova, Itali.

Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave.