Dialogu Kosovë-Serbi vazhdon me 7 shtator

Sipas një njoftimi më 7 shtator do të vazhdoj dialogu mes Kosovës dhe Serbisë, dialog ky i ndërmjetësuar nga BE.

Bashkimi Evropian konfirmon se takimi i radhës ndërmjet presidentit të Kosovës, Hashim Thaçi, dhe atij të Serbisë, Aleksandar Vuçiq, me ndërmjetësimin e përfaqësueses së  Lartë të Punëve të Jashtme dhe Politikave të Sigurisë, Federica Mogherini, do të mbahet më 7 shtator.

“Përfaqësuesit e lartë do të vazhdojnë diskutimet me dy presidentët në lidhje me marrëveshjen gjithëpërfshirëse të normalizimit, me synim që të arrihet përparim konkret, duke pasur parasysh prioritetin që ka ky dialog ndërmjet Prishtinës e Beogradit i ndërmjetësuar nga BE-ja, që rajonit i jep perspektivën e Bashkimit Evropian”, thuhet në  njoftim.

Dy ditë më vonë presidenti serb pritet ta vizitojë Kosovën.