Patentshoferët e Kosovës nuk janë njohur nga Gjermania

Ndërsa me Republikën Federale të Gjermanisë, MPB në bashkëpunim më Ambasadën e Kosovës në Berlin ka inicuar procedurën, por ende nuk ka konfirmim zyrtar

Ministria e Punëve të Brendshme të Kosovës, ka sqaruar lajmin lidhur me njohjen e patentshoferëve të Kosovës nga Gjermani.

Në reagimin e ministrisë thuhet se deklarata e ministrit të Brendshëm të Maqedonisë është keqkuptuar, përcjell albinfo.ch.

MPB thekson se ministri maqedonas ka deklaruar se Maqedonia është afër arritjes së marrëveshjes për njohjen reciproke të patentshoferëve me Kosovën dhe Gjermaninë.

Reagimi nga Ministria

Sqarim

Sqarojmë opinionin në lidhje me keqcitimin e ministrit të Brendshëm të Maqedonisë, nga disa portale të Kosovës.

Deklarata e ministrit maqedonas për ALSAT-M thotë: Republika e Maqedonisë është afër arritjes së marrëveshjes me Kosovën dhe Gjermaninë sa i përket njohjes reciproke të patentshoferëve.

MPB ju bënë të ditur se me Republikën e Maqedonisë është në fazën e fundit dhe shumë shpejt pritet nënshkrimi i marrëveshjes për njohjen reciproke të patentshoferëve. Ndërsa me Republikën Federale të Gjermanisë, MPB në bashkëpunim më Ambasadën e Kosovës në Berlin ka inicuar procedurën por ende nuk ka konfirmim zyrtar. Prioritet i ministrit Bejtush Gashi dhe MPB-së është njohja e patentshoferëve jo vetëm nga Repubika Federale e Gjermanisë por edhe nga shtetet tjera të BE-së me të cilat synojmë të nënshkruajmë marrëveshje bilaterale. Arritja e çdo marrëveshje me njërin nga këto shtete do të njoftohet menjëherë opinoni.