Evropianët, kundër ndërrimit të orës verore me atë dimërore

Më shumë se 80 për qind e evropianëve që morën pjesë në një anketë në internet duan të heqin ndërrimin e kohës verore dhe dimërore në pranverë dhe në vjeshtë, njoftoi gazeta gjermane Westfalenpost, përcjell albinfo.ch.

Sondazhi i Komisionit Evropian, i kryer nga fillimi i korrikut deri në mes të gushtit, përfshinte 4.6 milionë njerëz. Bëhet fjalë për një pjesëmarrje rekorde në hulumtimin online të BE-së. Më shumë se tre milionë vota janë hedhur nga territori i Gjermanisë.

Nga njerëzit që preferojnë të ndalojnë kohën, shumica duan të qëndrojnë në kohën e verës.

Një zëdhënëse për Komisionin Evropian mbrëmë tha se Komisioni Evropian do të shqyrtojë rezultatet e anketës në detaje përpara se të bëjë ndonjë deklaratë zyrtare.