Shpërthen zjarri në rafinerinë gjermane, tetë të lënduar

Sipas mediave gjermanofone, sëpaku tetë persona kanë mbetur të plagosur, të gjithë punonjës në rafineri

Në një objekt të rafinerisë së Bajernit të Epërm, Vohburg, ka ndodhur një eksplozion, ku si pasojë flakë të mëdha kapluan objektin. Akoma janë të paqarta shkaqet e shpërthimit, shkruan albinfo.ch.

Sipas mediave gjermanofone, sëpaku tetë persona kanë mbetur të lënduar, të gjithë ishin punonjës në rafineri. Për shkak të zjarrit janë evakuuar rreth 2000 persona. Një pjesë e tyre kanë filluar të kthehen në shtëpi, pas largimit të tymit.

Rafineria e Vohburgut ndodhet në 127 hektarë dhe pak kilometra larg Ingolstadt-it.

---