Maqedonia
Zyrtarizohet njohja e patentë shoferëve të Maqedonisë në Gjermani
Marrëveshje për njohje reciproke të patentë shoferit, deri më tani Maqedonia ka nënshkruar me Spanjën, Italinë, Serbinë, Shqipërinë, Malin e Zi, Bosnje-Hercegovinën dhe Austrinë
U deshën një 20 vite pritje për këto dy nënshkrime. Pas dy dekadash ambasadori i Gjermanisë, Tomas Gerberih dhe ministri i Brendshëm i Maqedonisë, Oliver Spasovski, firmosën njohjen e dyanshme të patentave të shoferit.
“Nga sot qytetarët e Republikës së Maqedonisë dhe qytetarët e Republikës Federative të Gjermanisë do të munden që anasjelltas t’i njohin lejet e vozitjes. Nëse ndonjëri ka patentë shoferi të Maqedonisë ta ndërrojë në Gjermani dhe anasjelltas, nga Gjermania ta ndërrojë në Maqedoni, pa provime dhe harxhime shtesë”, tha Oliver Spasovski, Ministër për Punë te Brendshme, raporton TV 21.
Marrëveshja vlen për të gjitha kategoritë e patentë shoferit ndërsa në fuqi do të futet pasi të kryhen procedurat e nevojshme nga të dyja ministritë, tha Spasovski, përcjell albinfo.ch.
Për vite me radhë është kërkuar zgjidhje të këtij problemi. Kjo sepse gjashtë muaj pas qëndrimit në Gjermani, qytetarëve të Maqedonisë nuk i njihej patenta e shoferit.
Përveç se përbënte pengesë në punët e tyre të përditshme, kjo u sillte atyre edhe gjoba. Në fillim të këtij viti gjithashtu u bë një peticion që mblodhi mbi 40 mijë nënshkrime. Ndër ata që janë angazhuar për zgjidhje është edhe Aleksandar Buzleski i cili jeton në Gjermani.
“U falënderohemi të gjitha institucioneve zyrtare që u angazhuan për zgjidhjen e problemit dhe para së gjithash të gjithë që ndihmuan në peticionin tonë dhe sinqerisht gëzohemi për këtë fund të suksesshëm të peticionit”, u shpreh Aleksandar Buzleski, Iniciator i Peticionit.
Marrëveshje për njohje reciproke të patentë shoferit, deri më tani Maqedonia ka nënshkruar me Spanjën, Italinë, Serbinë, Shqipërinë, Malin e Zi, Bosnje-Hercegovinën dhe Austrinë. Është duke u punuar për marrëveshje edhe me Kosovën, Turqinë, Britaninë e Madhe, informojnë nga MPB, duke shtuar se në rrjedhë është edhe procedura me Australinë dhe Zelandën e Re.
E-Diaspora
-
Kandidatja për eurodeputete, Kati Schneeberger, hap në Vjenë ekspozitën “Rezistenca paqësore në Kosovë 1990-1998 Kryetarja e shoqatës “Kosovo goes Europe”, Kati Schneeberger do të hapë nesër (2 maj) ekspozitën ...
-
Milano: Rita Petro, ndër të ftuarat e “FjalaFest”
-
Bruksel: Përfaqësuesit e diasporës shqiptare, gati për projektin e shkollës verore “JAM SHQIPTAR”
-
Belgjikë: Arrestohen disa shqiptarë për këto motive
-
Gjermani
Humb jetën tragjikisht mërgimtari në Gjermani
Jeta në Zvicër
-
Zvicër: Votimi i shtrenjtë për ligjin për furnizimin me energji elektrike Deri më tani, mbi pesë milionë franga janë caktuar për votimin intensiv të ligjit për furnizimin...
-
Policia e Thurgau-ut, me apel interesant
-
Zvicër: Tregtia me pakicë rritet vetëm falë produkteve ushqimore
-
Zvicër: Nisma e re për legalizimin e rritjes së kanabisit
-
Gjithnjë e më shumë kompani po testojnë javë katërditore