Fillon ‘Oktoberfesti’ në Munih

Festivali më i madh dhe më i famshëm i birrës në botë u hap në Mynih, derisa vizitorë nga e gjithë bota marrin pjesë në Oktoberfestit vjetor.

I veshur me veshjen tradicionale, kryebashkiaku i Munihut, Dieter Reiter, filloi nga festimet me një birrë, përcjell albinfo.ch.

Vizitorët erdhën herët në festival për të siguruar një vend, ku ata mund të pinë birrë apo të hanë salsiçe.

“Shpresojmë se këtë vit nuk do të ketë skandale. Thjesht duam të kalojmë qetë”, tha një vizitor.

Oktoberfesti e ka origjinën në një garë që u zhvillua në vitin 1810 për të festuar dasmën e princit bavarez Ludwig dhe Princeshës Tereze të Saksonisë-Hildburghausen. Oktoberfesti tërheq rreth gjashtë milionë vizitorë çdo vit. Festivali i këtij viti zhvillohet deri më 7 tetor.