Zënkë e ashpër në Gjermani, tre persona me lëndime të rënda

Pas zënkës së ashpër në një shisha bar në Meiningen të Gjermanisë që u shkaktua fundjavën e kaluar, të pesë të dyshuarit tani gjenden në paraburgim.

Prokuroria publike e Meiningenit ka konfirmuar se ndaj pesë personave të cilët u arrestuan në mënyrë të përkohshme të martën, gjatë kontrollimeve në Suhl, tani ishin lëshuar urdhërarreste, shkruajnë mediat gjermane, njofton Albinfo.ch.

Gjatë përleshjeve midis shqiptarëve të Kosovës, tre persona janë rrahur aq rëndë me objekte të ndryshme, saqë është dashur të dërgohen në spital me lëndime të rrezikshme për jetën. Arsyet e zënkës së përgjakshme edhe më tej mbetet e paqartë për Prokurorinë, ndërsa hetimet janë në rrjedhë e sipër.

---