Reagime të shumta për vizitën e Thaçit në Veri

Drejtori i Zyrës së Kosovës në Qeverinë serbe, Marko Gjuriq ka thënë se paraqitja e Njësive Speciale të Kosovës, në veri të Mitrovicës është në kundërshtim me të gjitha marrëveshjet ndërkombëtare mes dy vendeve, dhe se Kosova nuk ka të drejt të paraqitet me Njësi Speciale në veri.

Vizita e Presidentit të Kosovës në Veri të Kosovës ka ngjallur reagime të shumta tek serbët. Presidenti i Serbisë ka dërguar notë proteste te shefi i NATO-s, Jans Stoltenberg, për vizitën e Hashim Thaçit në Ujman, gjatë ditë të sotme. Drejtori i Zyrës së Kosovës në Qeverinë serbe, Marko Gjuriq ka thënë se paraqitja e Njësive Speciale të Kosovës, në veri të Mitrovicës është në kundërshtim me të gjitha marrëveshjet ndërkombëtare mes dy vendeve, dhe se Kosova nuk ka të drejt të paraqitet me Njësi Speciale në veri.

E Zëvendëskryetari i Listës Serbe, Igor Simiq duke folur për ngjarjet në liqenin e Ujmanit ka thënë se dhuna nuk duhet të jetë mënyrë për zgjidhjen e problemeve. Simiq ka deklaruar se Prishtina nuk duhet të shfrytëzojë Forcat Speciale në veri të Kosovës. Më herët Presidenti serb, Aleksandër Vuçiq ka urdhëruar ushtrinë që të jetë në gjendje gatishmërie.

---