Melania Trump: Jam personi më i ngacmuar në botë

Zonja e Parë e Shteteve të Bashkuara, Melania Trump ka deklaruse se ka nisur një fushatë kundër ngacmimeve në formë elektronike.

Këtë fushatë Melanie e ka nisur, pasi ajo është “personi më i ngacmuar në botë”, shkruan BBC, përcjell Albinfo.ch.

Këtë deklaratë Melanie Trump e ka bërë në një intervistë të dhënë në ABC Neës, një pjesë e së cilës është bërë publike të enjten.

“Unë mund të them se jam personi më i ngacmuar në botë”, ka thënë Melanie Trump.

Ajo është pyetur nga gazetari nëse vërtetë ashtu mendon, ajo ka thënë se është “një nga personat, nëse e shihni se çfarë njerëzit flasin për mua”.

Trump ka nisur javën e kaluar udhëtimin e saj të parë si Zonjë e Parë jashtë Shteteve të Bashkuara, duke udhëtuar në Ganë, Malaui, Kenia dhe Egjipt.

Gjithashtu Melanie Trump ka thënë se gratë që bëjnë akuza për abuzime seksuale, “duhet të prezantojnë prova të forta”.

Megjithatë ajo nuk ka treguar se çfarë ka nënkuptuar më këtë term.

“Unë qëndroj mbrapa këtyre grave, mirëpo duhet të prezantojmë faktet”, është shprehur ajo.

“Ju nuk mund të thoni vetëm ‘Unë jam abuzuar seksualisht’ apo ‘Ju jeni sulmuesi’”.

“Ndonjëherë mediat shkojnë shumë larg në atë se si portretizojnë disa tregime që nuk janë të vërteta. Nuk është e drejtë”, ka shtuar ajo.