Operë, edhe për fëmijët në Londër

Shtëpia Mbretërore e Operës në Londër është duke udhëhequr punëtorinë e quajtur Opera Dots, ndryshe punëtori për foshnjat, duke dashur kështu të krijojnë bazën e adhuruesve të ardhshëm.

Nën tavanin nga qelqi, një grup fëmijësh të vegjël buzëqeshin, derisa përpiqen të këndojnë e vallëzojnë bashkë me kompozimin Hansel and Gretel. Disa prej fëmijëve janë të mahnitur, derisa kohë pas kohe u shpërndahen edhe ëmbëlsira.

Sipas një raporti vjetor të Shtëpisë Mbretërore të Operës, ndjekja e operave në këtë zonë ka rënë për 137 mijë njerëz që nga viti 2013.

Tani programi ka për qëllim të kthejë famën në këtë shtëpi arti dhe ta bëjë më të qasshme për gjeneratat e reja.

“Kjo ndodh shkaku i dëshmive që ky lloj arti ka në vitet e hershme të arsimit, andaj ajo çfarë duam të bëjmë është të përfshijmë të rinjtë në programin tonë dhe në punëtori të ndryshme”, tha udhëheqësja e programeve Amy McGan.

Kurset që ofrohen këtu fillojnë me foshnja të vogla që nga 3 muaj, dhe vazhdon me fëmijët deri në 5 vjet. Specialistja e muzikës për fëmijët në moshë të re, Nicola Burke, e cila ndihmoi në krijimin e kursit, tha se është koha që opera të hapet edhe për të vegjlit.

“Të gjithë njerëzit mund të angazhohen në operë”, tha ajo. Derisa kursi është argëtues, dhe ka shumë vallëzim, opera është reale.

“Për të garantuar se forma autentike e artit po ofrohet këtu dhe qysh nga fillimi i hershëm i jetës”, shtoi ajo.

“Opera është shprehi e mirë që ta kemi më vonë në jetë dhe mendoj se e bën jetën interesante”, tha Jiki Zhou nga juglindja e Londrës, i cili solli vajzën e tij trevjeçare në këtë ngjarje.