Kisha nuk duhet të këmbëngulë në përkatësinë fetare gjatë punësimit

A janë punëdhënist kishtarë si gjithë të tjerët? Ose vlejnë kushte tjera, mes tyre si kusht për punësim edhe përkatësia fetare?

Mbi këto pyetje konstraverse diskutohet prej vitesh, ndërsa së fundi vendim ka marrë edhe Gjykata Federale e Punësimit në Gjermani, e cila do detyrojë të ndryshojë praktikat e konkurseve të punëdhënësve kishtarë.

Kishat në Gjermani nuk duhet të kenë kusht përkatësinë fetare në konkurset e ardhshme, shkruan “Der Spiegel”, përcjell albinfo.ch. Vendimi i Gjykatësve të enjten në Erfurt erdhi pas një rasti të papreçedentë të një pedagoge sociale nga Berlini, e cila kishte kontest juridik me kishën prej 2016, pasi ajo nuk i takonte kishës dhe ishte afetare. Kisha duhet ti paguajë asaj dëmshpërblim 9800 euro. Vendimi i Gjykatës gjermane bazohet në konkurrencën e lirë dhe Gjykatën Europiane.