Çmimet e veturave elektrike do të ulen

Kompania “Volkswagen” ka në plan që të ulë çmimin e veturave elektrike duke i barazuar me ato që përdorin karburant.

Projekti parashikohet të zbatohet në vitet e ardhshme. Objektivi, sipas “Bloomberg” dhe “Reuters”, është ai i vendosjes në treg të automjeteve që kushtojnë më pak se 20 mijë euro.

Krahas kësaj, projekti parashikon edhe mbrojtjen e vendeve të punës në Gjermani, duke i konvertuar fabrikat e prodhimit vetëm për automjete elektrike, transmeton ‘Scan’.

Plani që parashikon një volum prodhimi prej 200 mijë automjetesh do të diskutohet në mbledhjen e 16 nëntorit, përcjell albinfo.ch.