Aktori Butler poston në video shtëpinë e djegur

Nga zjarret që kanë përfshinë Californinë nuk kanë shpëtuar pa u dëmtuar edhe disa yje të Hollywood-it.

Nga zjarret deri tani 31 persona kanë vdekur dhe 228 rezultojnë të zhdukur, 7000 shtëpi të shkatërruara dhe 300 mijë persona kanë mbetur pa shtëpi.

Zjarrit nuk i ka shpëtuar pa u djegur edhe shtëpia e aktorit të famshëm Gerard Butler. Ai ka postuar një video, ku tregon se kishte një rezidencë në Malibu, një nga lokalitetet më të dëmtuara nga zjarret.

Ka thënë se shtëpia është plotësisht e shkatërruar.

“Është një moment i rëndë në gjithë Californinë. Si gjithmonë ndjehem i motivuar nga kurajë dhe shpirti i sakrificës së zjarrfikësve. Faleminderit”, ka thënë ai.

Ai ka ftuar fansat e tij të mbështesin departamentin e forcave zjarrfikëse të Los Angeles që vazhdon të luftojë kundër shkatërrimeve nga zjarret.