Rekord pasagjerë nga “EasyJet”

Kompania ajrore me kosto të ulët “EasyJet” ka njoftuar se kishte regjistruar një rekord të ri me rreth 90 milionë pasagjerë në një vit, një rritje prej 10% në raport me vitin e kaluar.

Kompania britanike ka transportuar 88,5 milionë udhëtarë midis periudhës tetor 2017 dhe fundit të shtatorit 2018, me 92,9% të kapacitetit të kompletimit të vendeve në avionët e saj, transmeton ‘ATSH’.

Fitimi neto u rrit në të njëjtën kohë me 17%, në 358 milionë funte (400 milionë euro), përcjell albinfo.ch.

Një formë e suksesit të kompanisë ishte prioriteti që iu dha ofrimit të shërbimit në aeroportet që ndodhen më afër qendrave të mëdha urbane.