Me një organizim të përbashkët të Ambasadës gjermane, zvicerane dhe austriake në Prishtinë, do të organizohen “Ditët e gjuhës gjermane në Kosovës”. Nga data 13 maj ky organizim është përgatitur për të zgjuar kureshtjen e atyre që janë të interesuar për t’u ballafaquar më shumë me gjuhën gjermane.

 

Program i larmishëm, mund të jetë tërheqës si për fillestarët, po ashtu edhe për folësit e gjuhës amtare të moshave të ndryshme.

Ditët e gjuhës gjermane 2013 do të nisin nga ora18:00 me hapjen e Qendrës për Mësimin e Gjuhës nga Instituti Gëte (Goehte). Qendra për Mësimin e Gjuhës do të ofrojë që nga java e ardhshme kurse të gjuhës gjermane në nivelet e ndryshme.

Ditët e gjuhës gjermane përmbyllet të shtunën më 18 maj, dhe do të koncentrohet në Qendrën për Mësimin e Gjuhës, ku gjatë “Ditës së dyerve të hapura“ të gjithë të interesuarit do të kenë rastin të shohin punën e kësaj qendre më afër, të informohen rreth kurseve, si dhe të marrin pjesë në kuize të ndryshme, ku mund të fitojnë çmime tejet interesante.

Gjatë pasdites do të bëhet edhe ndarja e Diplomave të Gjuhës Gjermane (Deutsches-Sprachdiplom: DSD) në Gjimnazin “Loyola” në Prizren.

Në mbrëmjen së shtunës, si dhe të dielën më 19 maj do të shfaqen dy filma në gjuhën gjermane, njëri nga Zvicra dhe tjetri nga Austria.Organizimi “Ditët e gjuhës gjermane në Kosovë” është bërë tashmë tradicionalë.

 

Ky është vitit i katërt me radhë që organizohet ky manifestim kulturor në Kosovë.