Banka Botërore do të investojë 200 miliardë dollarë në projekte klimatike

Banka Botërore njoftoi se do të ndajë rreth 200 miliardë dollarë në periudhën 2021- 2025 për financimin e vendeve në zhvillim për të luftuar ndryshimet klimatike, raporton “AFP”, citon albinfo.ch. Kjo është dyfishi në krahasim me periudhën e mëparshme pesëvjeçare.

Njoftimi u bë menjëherë pas fillimit të Konferencës së 24-t të Kombeve të Bashkuara për ndryshimet klimatike në Poloni (COP24). Kjo është një shenjë e rëndësishme për komunitetin ndërkombëtar për të bërë të njëjtën gjë, thuhet në një deklaratë të bankës.

Vendet e zhvilluara kanë nevojë për të ngritur fonde që shkojnë në 100 miliardë deri në vitin 2020, përmes qeverisë dhe financimeve private për politikat mjedisore në vendet në zhvillim. Organizata për Bashkëpunim Ekonomik dhe Zhvillim (OECD) beson se vendet e jugut duan angazhime të qarta në vendet e veriut.

Shuma e paraqitur prej 200 miliardë dollarësh do të përfshijë 100 miliardë dollarë që do të financohen drejtpërdrejt nga Banka Botërore.

“Ne kemi nevojë për të luftuar shkaqet (ngrohjen e klimës), por edhe për të përshtatur pasojat, të cilat janë zakonisht më dramatike për më të varfrit në botë”, tha  kryeshefja ekzekutive e Bankës Botërore, Kristalina Georgieva.

Sipas këtyre pasojave, shuma prej të cilave janë vende veçanërisht të rrezikuara në zhvillim, janë rritja e nivelit të detit, përmbytjet, thatësira, etj., përcjell albinfo.ch.