Suspendohet taksa ndaj karburanteve në Francë

Kryeministri francez njoftoi se për 6 muaj do të suspendohet rritja e tatimit ndaj karburanteve, vendim që çoi në protesta masive e të dhunshme në vend.

Edouard Philippe tha se zemërimi i popullit duhet dëgjuar dhe se masa nuk do të zbatohet derisa të mos ketë debat të duhur me ata që preken më së shumti nga kjo, shkruan albinfo.ch

Vendimin lidhur me këtë kryeministri e bëri të ditur nëpërmjet televizionit shtetëror, pas një takimi që mbajti me deputetët e partisë së tij. E protestat lidhur me këtë vend u mbajtën në shumë qytete franceze dhe shkaktuan dëme të konsiderueshme materiale javët e shkuara. 

Madje, protestat nga tatimi për karburante u shndërruan në pakënaqësi të përgjithshme ndaj presidentit francez. Që nga fillimi i protestave, 3 persona kanë vdekur.