Komandant ‘Remi’ ftohet për intervistim në Hagë

Ish-komandanti i Ushtrisë Çlirimtare të Kosovës për Zonën Operative të Llapit, Rrustem Mustafa, i njohur si “Remi” është ftuar që të intervistohet nga Zyra e Prokurorit të Specializuar të Kosovës në Hagë.

Ishte avokati i Mustafës ai që bëri të ditur lajmin me anë të një postimi në rrjetin social “Facebook”. 

Koci ka shkruar se, Rrustem Mustafa ka pranuar një ftesë që me datën 14 janar të vitit të ardhshëm të paraqitet pranë Zyrës së Prokurorit të Specializuar të Kosovës (ZPS) në Hagë.

“Kjo është ftesë për intervistim. Z. Mustafa do të paraqitet vullnetarisht dhe është i gatshëm të sqarojë çdo rrethanë të cilën ZPS është duke e hetuar”, ka shkruar Koci.