Ligji për gjuhët, bashkë me ndryshimet kushtetuese

Kryetari i Kuvendit të Maqedonisë, Talat Xhaferi, vlerëson se institucioni që ai e udhëheq në vitin që po e lëmë pas ka arritur të realizojë pritjet nga aspekti ligjvënës, pasi ka arritur të mbyllë me kohë çështjet e rëndësishme.

Në takimin e fundvitit me gazetarët, Xhaferi është pyetur edhe për mosdekretimin nga ana e presidentit për ligjin për gjuhën shqipe dhe marrëveshjen për emrin, shkruan albinfo.ch

“Seanca për ndryshimet kushtetuese është thirrur për 9 janar, dhe sipas dinamikës do të mbarojë shpejt, supozimet janë maksimum deri më 15 janar, por jo detyrimisht, mundet edhe më herët. Të dy ligjet do të shkojnë bashkarisht në Gazetën Zyrtare”, ka thënë Xhaferi.