Cyrihu, qyteti i tretë më i shtrenjtë në botë

Sipas The Economist Intelligence Unit, Singapori për të pestin vit radhazi është i pari në listën e qyteteve më të shtrenjta në botë, përcjell albinfo.ch.

Megjithatë, Singapori është një nga destinacionet më të njohura turistike.

Njësia raportuese e ekonomistëve e shpall këtë listë çdo gjashtë muaj, duke krahasuar çmimet e 160 produkteve dhe shërbimeve, duke përfshirë ushqimin, pijet, veshmbathjet, transportin dhe higjienën komunale.

Singapori është vendi më i pafavorshëm në botë për të blerë rroba, por megjithëse konsiderohet si qyteti më i shtrenjtë, është një nga destinacionet turistike më të njohura.

Singapori është në krye të qyteteve më të shtrenjta për jetë për shkak të industrisë së fuqishme të automobilave. Gjegjësisht, Singapori është vendi më i shtrenjtë në botë për blerjen dhe mirëmbajtjen e makinave. “CNN” shkruan se qeveria e Singaporit rregullon pronësinë e makinave, duke kufizuar numrin e lejeve të lëvizjes. Që nga tetori 2017, licencat arrijnë në 37 mijë dollarë dhe ato janë të vlefshme për 10 vjet.

Menjëherë pas Singaporit vijnë Parisi dhe Cyrihu, të cilët renditen ndër qytetet më të shtrenjta në botë. Qyteti më i shquar amerikan në këtë listë është New York City, i cili renditet i 13-ti, pasuar nga Los Angeles në vendin e 14-të.

Linku

Renditja