Gratë të tmerruara: u vidhen flokët në mes të rrugës

Flokët e vjedhura u shiten më pas punëtorive që merren me këtë treg. Policia has në shumë vështirësi për të kapur këta hajdutë

Gratë e Venezuelës janë të tmerruara. Për të furnizuar tregun shumë popullor të ngjitjes së flokëve natyrale, hajnat nuk hezitojnë të sulmojnë gratë në mes të ditës  për të prerë flokët e tyre. “Ne jemi të detyruara të mbajmë flokët e shkurtra në Maracaibo,” dëshmoi të hënën Egmari Villareal në gazetën Panorama. Për këtë, hajnat kanë në shënjestër gratë me flokë të gjata dhe të drejta.

Flokët e vjedhura u shiten më pas punëtorive që merren me këtë treg. Policia has në shumë vështirësi për të kapur këta hajdutë. “Viktimat nuk guxojnë të ankohen. Ato nuk duan të  rrezikohen nga hakmarrja e kriminelëve”, shpjegon komisioneri.

Mafia kapilare është  quajtur “Piranhas” dhe kjo vepron kudo: në rrugë, në plazh ose në qendra të ndryshme. Këta mafiozë nuk hezitojnë të kërcënojnë viktimat edhe me armë, për të marrë flokët e tyre të çmuara.

Shkaktari i kësaj forme të re të krimit është varfëria që mbretëron në këtë vend të Amerikës Latine. 60% e këtyre  hajnave janë pjesë e një popullate shumë të vërfër, sipas gazetës Globovision. Ata përfitojnë nga moda re për ngjitje të flokëve natyrale. Venezuela nuk është vendi i vetëm i prekur nga kjo dukuri. Në Brazil, vjedhjet e flokëve janë gjithashtu të zakonshme. Edhe në Shtetet e Bashkuara të Amerikës kjo ndodh ndonjëherë.

Në SHBA janë shënuar edhe plaçkitje të armatosura për vjedhjen e stoqeve të tëra me flokë natyrale. Në Miçigan, një shitës u vra në vitin 2011 gjatë një grabitje ndërsa në  Hjuston, hajnat patën ikur me një plaçkë flokësh me një vlerë prej 160,000 dollarësh.

Ngjitja e flokëve, një treg prej një miliard frangash

Sipas vlerësimeve, tregu global për produktet e flokëve natyrore realizon rreth 1 miliard franga, thuhet në një sondazh të gazetarit britanik Carney Scott. Më shumë se 80% të flokëve vinë nga India.Të varfrit shesin flokët e tyre nga varfëria e madhe.  
Pas Indisë, vendet e Europës Jug-Lindore, Azia dhe Kina janë bërë furnizuesit më të mëdhenj. Së fundi, Ukraina dhe Moldavia mund të ofrojnë flokë bjonde për 40 franga një kilogram, kundrejt 10 frangave për kilogramin e flokëve të zeza indiane.

Pasi që kalojnë përmes ndërmjetësuesve të ndryshëm, këto produkte fitojnë një vlerë prej 3700 frangave për kilogram në Londër apo Paris. Megjithatë, këto shuma janë të pakëta në qoftë se marrim parasysh se njerëzimi shpenzon rreth 70 miliardë franga për kujdesin e flokëve. Pra, prodhuesit e shamponëve dhe mjeteve tjera kozmetike për  flokë kanë një të ardhme të ndritshme përpara tyre.