Pse Angela Merkel mbylli faqen e saj në Facebook?

Lamtumirë Facebook! Edhe një personalitet tjetër nga politika gjermane ia kthen shpinën Facebook-ut. Kancelarja Angela Merkel preferon Beatles-at dhe ëndërron të udhëtojë me tren nëpër Siberi.

Mbyllja e Facebookut erdhi përmes një videoje të postuar në median sociale. Aty Angela Merkel deklaroi: “Ju e dini që nuk jam më kryetare e partisë CDU, prandaj do ta mbyll faqen time të Facebook-ut”. Në dhjetor Merkelin e zëvendësoi Sekretarja e Përgjithshme, Annegret Kramp-Karrenbauer. Në të njëjtën kohë Merkel falënderoi ndjekësit e saj në Facebook për “mbështetjen e madhe”. Megjithatë ju mund të vazhdoni ta ndjekin punën time si kancelare, tha Merkel. Për këtë është përgjegjëse faqja e qeverisë gjermane në Facebook. Mbështetësit mund të më ndjekin edhe në Instagram, u shpreh kancelarja, shkruan dw, përcjell albinfo.ch.

Më shumë se 2,5 milionë vetë e kishin klikuar me “pëlqim” faqen e kancelares Merkel, që kishte lënë kështu pas presidentin Macron, i cili ka vetëm 2,3 milionë ndjekës në Facebbok, apo kryeministren Theresa May me 503.000 ndjekës. Në faqen e Facebookut të kancelares, krahas punës si kancelare postoheshin edhe informacione private për politikanen 64-vjeçare. Për shembull, që Merkel dëgjon me shumë dëshirë muzikën e Richard Wagnerit, grupi më i preferuar muzikor i saj janë Beatles. Një nga ëndrrat e kancelares është që të udhëtojë me trenin transsiberik nga Moska në Vladivostok.