Kosova
Miratohet buxheti, statusi i Trepçës dhe projektligji për Dialogun
Në një seancë maratonike që ka nisur në orën 11 të së shtunës, Kuvendi i Kosovës ka arritur ta votojë buxhetin për vitin 2019 vetëm rreth orës dy pas mesnatës.
65 deputetë kanë votuar pro buxhetit, ndërsa nuk ka pasur asnjë kundër e asnjë abstenim, përcjell albinfo.ch.
Po ashtu Kuvendi ka votuar për zgjatjen buxhetore për muajin shkurt nga buxheti i vitit 2018. Ka pasur shumë pakënaqësi e ankesa nga deputetë të ndryshëm për kërkesat e tyre që kanë pasur për futje në buxhet. Po ashtu Kuvendi i Kosovës ka votuar edhe Statutin e ndërmarrjes Trepça si shoqëri aksionare. 80 vota ishin për, dy kundër e tri abstenime.
Kuvendi i Kosovës voton projektligjin për Dialogun
Kuvendi i Kosovës pas një debati të gjatë ka votuar në lexim të parë projektligjin për detyrat, përgjegjësitë dhe kompetencat e Delegacionit Shtetërorë të Kosovës në procesin e dialogut me Serbinë.
Nga 91 deputet që ishin në sallë 62 deputetë kanë votuar për ndërsa deputetet e opozitës nuk kanë marrë jesh fare në votim.
Zëvendëskryeministri Enver Hoxhaj, ka thënë se me këtë Projektligj, Kuvendi bëhet pikënisja e dialogut dhe pikarritja e tij. Sipas tij, kryefjala e këtij Projektligji sa i përket dialogut është Kushtetuta dhe mbrojtja e interesave strategjike të Kosovës.
Hoxhaj sqaroi se kanë hartuar një platformë shtetërore për dialogun, për të cilin u shpreh i gatshëm ta prezantojnë para Kuvendit kurdo që është e nevojshme. Por, projektligji u kundërshtua nga opozita.
Deputetja Vjosa Osmani Sadriu, tha se po i jepet legjitimitet presidentit për copëtimin e vendit. Deputetët e Lëvizjes Vetëvendosje kanë paralajmëruar se projektligjin do ta dërgojnë në kushtetuese. Ndërsa, përfaqësuesit e partive në pushtet i kanë bërë thirrje opozitës të bëhen pjesë e ekipit negociator. Ndërsa akuza të rënda mes vete ka pasur mes deputetëve që dikur ishin bashkë partiak. Deputeti i PSD-së, Dardan Molliqaj, ka thënë se Shefi i Grupit Parlamentar i Lëvizjes Vetëvendosje, Glauk Konjufca ka qenë pjesë e ish-Shërbimit Informativ të Kosovës, gjë që e ka mohuar ky i fundit. Përplasje pati edhe mes deputetes së LDK-së, Besa Gaxherri me kryeparlamentarin Kadri Veseli.
E-Diaspora
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij U ishte thënë se do të duhej të paguanin 800 franga për të realizuar një termin,...
-
Iu keqësua gjendja shëndetësore gjatë fluturimit Zvicër – Kosovë, vdes gruaja kosovare
-
Shqiptari plagos rëndë shqiptarin në Belgjikë
-
Duesseldorf
Welt: Shqiptari dyshohet se vrau pronarin e lokalit në Gjermani shkaku i borxheve të bixhozit
-
Mes një mijë konkurrentëve, shqiptarja fiton çmimin e tretë në finale e madhe të “Sanremo Junior”
Jeta në Zvicër
-
Pse kompanitë në Zvicër duhet të paguajnë taksat e kishës? Shumë prej nesh që janë shpërngulur në Zvicër janë të njohur me konceptin e ‘Taksës së...
-
Organizata zvicerane e turizmit zbulon logon e saj të re
-
Cyrih: Adoleshentët aksidentohen, i ikën policisë
-
Dënohet kosovari: Ka sjellë ilaçe ilegale për ndërprerjen e shtatzënisë së gruas së tij
-
Floriani 10 vjeçar bën selfie me Xhakën, i kushtoi babait të tij 2600 franga