Nuhiu: Shqiptarët në Maqedoni, mbi 30 %

Shqiptarët në Maqedoni mund të jenë edhe mbi 30 për qind, por për të vërtetuar këtë numër duhet pritur epilogu i regjistrimit.

Në një intervistë për Alsat, zëvendësministri i Brendshëm, Agim Nuhiu, thotë se vetëm në vitin 2018, 33 për qind të pasaportave valide kanë marrë shqiptarët, përcjell albinfo.ch.

“Shpalosa një fakt, të pasaportave valide që ka dhënë Ministria e Punëve të Brendshme. 30 e ca % e pasaportave valide janë të kategorisë B që nënkupton se ata janë të gjithë shqaiptarë. Sigurisht që fjala përfundimtare se sa shqiptarë janë në vendin tonë do të duhej të rezultojë nga regjistrimi i popullsisë”, tha Nuhiu.

Nuhiu thotë se pas ndryshimeve ligjore dhe reformave, në Maqedoni nuk do të ketë më polici sekrete, e posaçërisht inspektorët e DSK-së nuk do të kenë autorizime policore.