Me pranga elektronike në këmbë, kosovari zihet sërish në krim

Ai i bartte prangat pasi më parë ishte dënuar me tre vjet e tre muaj për një tentim vrasjeje të ndodhur tri vite më parë

Në mbrëmjen e vonë të të premtes është plagosur me disa therje thike një 28 vjeçar nga Eltville. E veçanta e këtij rasti është se njëri ndër të dyshuarit që është gjetur në vendin e krimit, ishte një shtetas kosovar që kishte në këmbë prangat elektronike për mbikëqyrje.

Ato, kosovari 33 vjeçar i bartte pasi ishte dënuar me tre vjet e tre muaj për një tentim vrasjeje të ndodhur tri vite më parë. Ishte fjala për një akt hakmarrjeje që kosovari e kishte bërë për një rrahje që kishte pësuar më parë. Dënimin ia kishte shqiptuar tri javë më parë një gjykatë në Wiesbaden.

Ai ndodhet në paraburgim ku po hetohet roli i tij në sulmin me thikë që ka ndodhur të premten, shkruan Wiesbadener Kurier. Nga ana tjetër i dyshuari tjetër, një 22 vjeçar nga Wiesbadeni është duke u ndjekur nga policia ndërsa një 30 vjeçar i pranishëm në akt, është liruar nën garancitë e dhëna.

Të katër të përfshirët në këtë sulm, sipas policisë janë të njohur në mes vete, disa prej tyre madje kishin banuar bashkë në një banesë në Eltville