Hoxhaj: Raporti Kosovë-SHBA, në nivelin më të ulët

Enver Hoxhaj

Zëvendëskryeministri i Kosovës, Enver Hoxhaj, pas takimit me zyrtarët e lartë të Këshillit të Sigurisë Kombëtare ka alarmuar për një raport, siç ka thënë ai, në nivelin më të ulët ndërmjet Kosovës dhe SHBA-së. 

Këtë zhvillim aspak të mirë, Hoxhaj e ka quajtur të papranueshëm.

“Është momenti i fundit për ne si bartës të institucioneve të Kosovës që të reflektojmë karshi kërkesës dashamirëse amerikane për ta pezulluar taksën dhe për t’i hapur rrugë mundësisë për të arritur një marrëveshje gjatë këtij viti. Përgjatë përvojës sime pesëmbëdhjetëvjeçare në politikë, fatkeqësisht, ndodhemi në pikën më të ulët të marrëdhënieve Kosovë-SHBA dhe ky duhet të jetë shqetësim për politikën dhe shoqërinë në Kosovë”, ka shkruar Hoxhaj.