Muzikë
Kosovarja e parë që do të performojë në Operën e Tokyos
Ka shkelur shumë skena anembanë botës, por ajo po vazhdon të marrë role të mëdha dhe të prekë skena shumë të njohura botërore. Fituese e shumë çmimeve e garuese në çmimet më të njohur botërore, si “Operalia” dhe një interpretuese e shkëlqyer, është kjo sopranoja e njohur kosovare, Marigona Qerkezi, e cila më zërin e saj të fuqishëm dhe paraqitjet dinjitoze është duke mahnitur botën.
Kësaj radhe ajo do të ketë një debutim të dyfishtë në Tokyo – Japoni, shkruan KultPlus, përcjell albinfo.ch.
Kjo do jetë hera e parë që Marigona do të performojë në New National Theater Tokyo – Teatrin kryesor të operës atje, dhe gjithashtu kësaj radhe ajo do të shënojë edhe debutimin në rolin e Donna Annas nga opera Don Giovanni e Mozartit.
Ky fakt e bën shumë të lumtur artisten, e cila është krenare që po arrin që përmes artit të saj të bëjë një përfaqësim dinjitoz për shtetin e saj, Kosovën.
“Kam kënaqësinë që të fus Kosovën në listën e interpretuesve në këtë teatër, duke qenë kosovarja e parë që performon edhe në Operën e Tokyos. Ende e kam të freskët gëzimin tim të papërshkrueshëm tre vite më parë kur edhe e fitova audicionin në mes të shumë solistëve nga e mbarë bota”, ka treguar Qerkezi emocionet e saj për KultPlus.
Në Tokyo do të jepen gjithsej pesë shfaqje, e në të gjitha këto shfaqje sopranoja kosovare do të performojë në rolin e Donna Anna-s. Madje Qerkezi ka treguar për KultPlus se për njërën nga këto shfaqje janë shitur të gjitha biletat.
Qerkezi së fundi ka vizituar edhe Kosovën, po ajo nuk mungon në vendin e saj edhe kur është fjala për koncerte e pjesëmarrje në festivale të ndryshme ku pritja e publikut për të është gjithmonë e mrekullueshme.
Të ngjashme
Të tjera nga Muzikë
E-Diaspora
-
Jetullah Haliti-Eti hap ekspozitë të arteve pamore në Sion Titulli i kësaj ekspozite tematike është "Kur flet arti, nderohet kombi dhe atdheu"...
-
VLEN shpall fitoren e quajtur ‘Ndryshimi’, falënderon diasporën
-
Shqiptari i vë flakën vetes në Itali, në sy të gruas së tij
-
Mërgimtarët hasin në probleme gjatë regjistrimit të popullsisë, ReKos 2024
-
Njoftim për diasporën: Vetëm edhe 10 ditë për regjistrimin e popullsisë, ReKos 2024
Jeta në Zvicër
-
Forumi i Gjenevës bashkoi një numër të madh ndërmarrësish shqiptarë e zviceranë Forumi shqiptaro-zviceran (Real Estate, investime dhe financa), i mbajtur të premten (19.04.2024) në Centre de l’Espérance/8...
-
Qeveria planifikon ndihma për banim edhe për pensionistët e invaliditetit
-
Këshilli Federal dëshiron të lehtësojë barrën mbi personelin infermieror, më pak orë pune
-
150 vdekje në klinikën e zemrës, nisin hetimet nga Spitali Universitar i Cyrihut
-
Këshilli Federal dëshiron të rrisë kuotën e punësimit për refugjatët ukrainas