Maqedonia
Ziadin Sela reagon pasi dënohet ai që i shpëtoi jetën në ngjarjet e 27 prillit
Në Gjykatën Penale të Shkupit sot është shqiptuar dënimi për të akuzuarit për rastin e 27 prillit. Gjykata ka marrë vendim që të dënohen me 214 vjet burgim, ku dënimi më i lartë ishte ai prej 18 vjet për Mitko Çavkovit, derisa më i ulëti 7 vjet dhe iu shqiptua Abdulfeta Halimit.
Menjëherë pas këtij vendimi të Gjykatës ka reaguar lideri i Aleancës për Shqiptarët, Ziadin Sela. Ai në një postim ka shkruar se falë Abdulfeta Halimit sot fëmijët e tij kanë mundësinë ta thërrasin emrin e babait të tyre.
Ky është reagimi i plot i Ziadin Selës.
Në një ndejë me Fetain më pati thënë: “Nuk shqetësohem shumë për dënimin sa shqetësohem për faktin qê po më fusin në një thes me kriminelët…”
Miku im, krimi yt i vetëm është se fëmijët e mi akoma kanë mundësinë të thërrasin babanë e tyre dhe unë t’u përgjigjem. Ti bëre “mëkatin” e ruajtjes së jetës. Ti je në burg, sepse unë jam gjallë, prandaj ti s’ka se si të jesh si ata që më deshën të vdekur. Si ata që sot janë të lirë, por me duar e me këmbë të zhytur në krim. Po, po, janë të lirë, bile edhe me pozicione qeveritare.
Nëse dikush nëpërmjet dënimit tënd do të tregojë simbolikën se regjimi i kaluar kishte dy komponentë, edhe maqedon edhe shqiptar, ti nuk je kjo simbolikë. Ti je simbolika e shqiptarit të zakonshëm që e do jetën, që e do lirinë. Ti je simbolika e shqiptarit që i montohen akoma procese politike. Je simbolika e gjyqësisë së politizuar dhe me dy standarde. Simbolika e regjimit të kaluar s’mund të jetë Fetai, por është Aliu me Nikollën. Ti dhe dënimi yt sot po që jeni simbolika e regjimit të tanishëm të Aliut dhe Zoranit.
P.S. E rëndë sot dita, Feta! Më mirë kurrë mos i kisha hapur sytë në mbrëmjen e 27 prillit sesa të jetoj këtë turp. Po, ti je fajtor. Ke fajin që unë sot ndihem me fajin e pafuqisë për të të ndihmuar. Ke fajin që jam gjallë.
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Swisscom gjobitet me 18 milionë CHF Swisscom është gjobitur me 18 milionë CHF për shkelje të ligjit të kartelit dhe konkurrencës së...
-
Ideja që i bashkon të gjitha partitë politike
-
Mori 1000 franga para bankomatit, 75-vjeçarja detyrohet t’i kthejë
-
Fitimet e Bankës Kombëtare të Zvicrës kthehen në nivel rekord
-
Komisioni zviceran kërkon që azilkërkuesit të deportohen në një vend të tretë