Përmirësohet gjendja ekonomike, punësimi mbetet i njëjtë

Gjendja ekonomike në Kosovë është përmirësuar, por pritjet për gjashtë mujorin e ardhshëm mbesin më pak optimiste, thonë në OEK

Në tre mujorin e tretë të këtij viti raportohet se është përmirësuar dukshëm  situata aktuale e bizneseve në Kosovë është përmirësuar dukshëm,.

Në të gjithë sektorët thuhet të ketë përmirësime, përveç sektorit të prodhimit, ku situatat ka mbetur pothuajse e njëjtë.

Situata ka qenë e përmirësuar posaçërisht në sektorin e ndërtimtarisë, por dhe për tregtinë me shumicë.

Shqetësues mbetet fakti, që nuk pritet të ketë rritje të punësimit pasi që 75 për qind të bizneseve, presin që punësimi të mbetet i njëjtë.

Kështu raportojnë mediat e Prishtinës nga një konferencë për medie të Odës Ekonomike të Kosovës (OEK), ku janë prezantuar të gjeturat e klimës së biznesit në Kosovë, për tre mujorin e tretë të vitit 2013.

Berat Rukiqi, sekretar i OEK-ut, ka thënë se shqetësues mbetet fakti që kompanitë nuk presin rritje të punësimit në muajt e ardhshëm dhe se kjo jep sinjalin se me gjithë rritjen ekonomike, që është parashikuar edhe nga FMN, mbesin gjithmonë problemet shtesë, si rritja ekonomike, e cila nuk arrin t’i zgjidh problemet e punësimit dhe deficitit tregtar.

“Kemi një situatë kur e tëra na jep sinjalin që edhe pse kemi rimëkëmbje ekonomike, kemi rritje ekonomike në 6 muajt e ardhshëm apo në pjesën tjetër të vitit. Kjo rimëkëmbje ekonomike do ta ketë një dinamik më të ulët. Kjo dinamik më e ulte e rimëkëmbjes ekonomike, sigurisht që do të reflektohet edhe në vet rritjen ekonomike të vendit. ”, ka thënë Rukiqi.

Edhe kryetari i OEK-ut, Safet Gërxhaliu ka thënë se duhet të bëhet më tepër që kjo situatë të shndërrohet në favor të qytetarëve dhe biznesit. 

“Vet fakti që stabiliteti social është garancë e qëndrueshmërisë së Kosovës dhe rezultatet që 6 muajt e parë pritjet për punësim janë pothuajse të ngrira dhe nuk janë optimiste, janë diçka e cila vërtetë duhet të na obligojë që të bëjmë diçka më tepër, në hapjen e mundësisë për një infuzion të sektorit privat për angazhim më të madh në punësim”, ka thënë ai.

Ankete e cila është realizuar me 498 kompani tregon se pengesat e të bërit biznes, mbeten mungesa e hapësirës dhe pajisjeve, mungesa e financave, mungesa e kapaciteteve teknike si dhe mungesa e stafit të kualifikuar