“Bllokohen daljet e Presidencës serbe”, kërkohet dorëheqja e Vuçiqit

Njëri nga udhëheqësit e opozitës serbe, kryetari i Lëvizjes Dveri, Boshko Obradoviq, ka deklaruar se demonstruesit i kanë rrethuar të gjitha daljet e Presidencës, tri sosh, dhe do të mbeten aty derisa të japë dorëheqje presidenti i Serbisë, Aleksandar Vuçiq.

“Faleminderit që po qëndroni para kësaj hyrjeje, ku mund të dalë me automobil Vuçiq. Ne kemi shkuar që ta zhbllokojmë kamionin. I kemi rrethuar të tri daljet nga Presidenca dhe as miu nuk mund të dalë nga këtu”, ka thënë Obradoviq, njofton FoNet, transmeton Koha.net, përcjell albinfo.ch.

Në atë moment, te Presidenca është paraqitur automobili që sigurohej nga policia me pajisjet për shpartallimin e demonstratave, ndërsa të tubuarit brohoritën “Dil, dil”.