Shtyrja e Brexit nuk bëhet automatikisht

Një shtyrje e Brexit përtej 29 marsit, afati përfundimtar për daljen e Britanisë së Madhe nga BE-ja, nuk është as e qartë, as automatike, paralajmëroi Parisi që kërkon nga Londra një alternativë të besueshme për të bërë këtë shtyrje, në orët ose ditët në vijim.

“Ose marrëveshja e negociuar me 27 anëtarët do të arrijë një mazhorancë në Parlamentin britanik deri më 29 mars, ose do të jemi në situatën e një ‘no deal’ (pa marrëveshje)”, theksoi Elizeja, shkruan atsh, përcjell albinfo.ch.

“Nëse Britania e Madhe prezanton një kërkesë për shtyrje, kjo mund të pranohet vetëm nëse në Londër arrihet një mazhorancë për një marrëveshje të re që për më tepër mbron interesat e BE-së”, vazhdoi Presidenca franceze.