Zvicër: Transporti publik kërkon rritje të shërbimeve në zonat rurale

Shërbimet e transportit publik kanë bërë thirrje për të përmirësuar koordinimin ndërmjet menaxherëve të trafikut dhe autoriteteve të planifikimit hapësinor për të rritur ofertat në zonat rurale të Zvicrës, përcjell albinfo.ch.

Krerët e dy shoqatave kryesore për transportin publik, LITRA dhe VöV / UTP gjithashtu i kërkuan industrisë së turizmit të promovojë përdorimin e trenave dhe shërbimeve të autobusëve jashtë orarit të punës.

Një studim, i paraqitur të mërkurën, zbuloi se mjetet publike të transportit ishin të njohura në rajonet urbane midis qyteteve të Cyrihut, Bazelit dhe Bernës, dhe më pak në pjesët më të largëta të vendit, përcjell albinfo.ch.

Studiuesit gjithashtu vënë në dukje dallimet në mes të rajoneve gjuhësore të Zvicrës. Qytetarët në pjesën frankofone të vendit janë më të prirur të përdorin makina private sesa njerëzit në pjesën gjermanofolëse.

Dy shoqatat e transportit shpresojnë të rrisin pjesën e trafikut publik në më shumë se 23% në vitin 2040, përcjell albinfo.ch.

Shifrat më të fundit nga 2015 tregojnë transportin publik me 13% të të gjithë trafikut. Përdorimi i transportit publik ka stagnuar gjatë dekadës së fundit, sipas të dhënave zyrtare.