Edhe Ambasada amerikane mbështet ambasadorin zviceran

Ambasadori amerikan në Kosovë, Philip Kosnett, është pajtuar me deklaratat e homologut të tij britanik, Ruari O’ Connell, rreth deklarimeve të ambasadorit zviceran për veteranët e rrejshëm.

Ambasadori britanik ka thënë se ambasadori zviceran në Kosovë e ka thënë ‘atë që ne të gjithë e mendojmë’

“Ambasadori zviceran e tha atë që ne të gjithë e mendojmë. Është koha që populli, i cili e do Kosovën, të veprojë kundër krimit dhe korrupsionit. Është një sfidë e vështirë dhe jo vetëm për Kosovën. Por, ata që veprojnë, do ta kenë përkrahjen tonë”, ka shkruar O’Connell.

Ambasadori zviceran gjatë një inaugurimi të një projekti zviceran në Kosovë është shprehur se Zvicra ndërton projekte në Kosovë për  të ndihmuar, ndërsa Kosova paguan veteranët e rrejshëm.