Sërish tërmet në Kosovë

Tërmeti me forcë 4.7 shkallë të Rihetrit ka goditur sërish Kosovën. Epiqendra e tërmetit ka qenë në mes fshatrave Vesekofc e Bozhlan të komunës së Vushtrrisë

Një tërmet më i fuqishëm se ai i të dielës, e ka goditur sërish Kosovën të hënën në ora 14.15. Sipas institutit sizmologjik evropian, epiqendra ka qenë në rajonin e Vushtrrisë, 25 kilometra në veriperëndim të Prishtinës.

Tërmeti, siç raportohet, ka qenë i një intensiteti prej 4.7 shkallë të Rihterit, ndërsa nuk është raportuar për dëme materiale. Por, qytetarët janë trembur nga dridhjet e fuqishme.

Shemsi Mustafa nga Agjencia Gjeologjike e Kosovës ka thënë për mediet në Prishtinë, se tërmeti ka qenë me forcë dhe magnitudë 4.7 shkallë, ndërsa epiqendra ka qenë 31 kilometra në veriperëndim të Prishtinës, saktësisht në mes fshatrave Vesekofc e Bozhlan të komunës së Vushtrrisë.

Burime të “albinfo.ch” nga Vushtrria thonë se dridhjet e tokës kanë shkaktuar shqetësim të madh tek popullate, ndërsa nga frika të gjithë nxënësit janë nxjerrë nga objekti shkollor. Po ashtu, sipas burimeve, edhe çerdhet janë mbyllur pas tërmetit të mesditës.

Brenda tri katër ditëve të fundit, Kosovën e kanë goditur disa tërmete të lehta, të cilat nuk kanë shkaktuar dëme materiale, përveç që i kanë shqetësuar qytetarët.