Tematike
Dhjetëra mijëra zviceranë demonstrojnë në mbrojtje të klimës
Vetëm në Cyrih, sipas organizatorëve, kanë qenë më shumë se 15.000 demonstrues ndërsa në Bernë 10 mijë, në Lozanë 8.000, në Gjenevë rreth 3.000 etj.
Fryma e lëvizjes për greva në mbrojtje të klimës, e iniciuar nga nxënësit në demonstratën e madhe të 15 marsit në Zvicër, duket se nuk është zbehur. Këtë e ka treguar pjesëmarrja e dhjetëra mijë vetave në manifestimet që janë zhvilluar ditën e sotme në shumë qytete të Zvicrës. Vetëm në Cyrih, sipas organizatorëve, kanë qenë më shumë se 15.000 demonstrues ndërsa në Bernë 10 mijë, në Lozanë 8.000, në Gjenevë rreth 3.000 etj., shkruan srf.ch.
Demonstrata në Bernë ka filluar në pasditen e hershme në Helvetiaplatz dhe është përhapur pastaj edhe në rrugët tjera rreth qendrës së kryeqytetit. Varësisht nga burimi i informimit, në këtë demonstratë kanë marrë pjesë në mes 8.000 dhe 10.000 veta, transmeton albinfo.ch. Ndërkaq vlerësohet se kësaj here nuk kanë qenë vetëm të rinjtë që kanë marrë pjesë në manifestimet e zhvilluara anekënd vendit.
Në St. Gallen janë tubuar rreth 1.500 veta në Marktgasse, që është sheshi kryesor iqytetit ndërsa në Lucern, organizatorët vkerësojnë se kanë qenë rreth 2500 pjesëmarrës të parakalimit demonstrues.
Lëvizja e grevave për klimën ka bërë thirrje për manifestime në rreth 20 qytete të Zvicrës. Kësaj here nuk duhet të protestojnë vetëm nxënësit, është theksuar në thirrje. Kështu, për të marrë pjesë edhe të punësuarit në këto demonstrata, ato janë organizuar të shtunën, pra në një ditë pushimi. Hera e parë që ato nuk janë mbajtur në një të premte, ditë kjo që ishte shpallur ditë greve në mbrojtje të klimës.
Në javët që nga fillimi i aktivizimit të lëvizjes së grevave për klimën, qytetet si Bazeli, Olteni dhe Delemonti kanë shpallur gjendje emergjente klimatike. Këtyre u shtohet ehde kantoni Vaud si i tërë. Me këtë shpallje, qytetet dhe kantoni i përmendur pranojnë se ndryshimi i klimës është vepër e vetë njerëzve dhe zotohen që ngrohjen globale ta kufizojnë në 1.5 gradë, në krahasim me gjendjen e kohës paraindustriuale.
Qyteti Sitten/Sion (kryeqyteti i Kantonit Valis) ka ndaluar demonstratën në mbrojtje të klimës të paraparë për sot. Sipas autoriteteve, kërkesa për lejim të saj ka ardhur në kohë dhe mënyrë jo të duhur.
Kërkesat e lëvizjes protestuese në mbrojtje të klimës janë: shpallja e emergjencës klimatike në nivel nacional, ndalimi i emetimit të gazrave nga serrat brenda vendit deri në vitin 20130 dhe drejtësia për klimën.
Më shumë se 23.000 shkencëtarë nga Zvicra gjermane i vlerüesojnë si të arsyeshme këto kërkesa. “Kërkesat e lëvizjes janë ambicioze por të domosdoshme dhe të realizueshme”, ka deklaruar gjimnazisti nga Berna, Jan Burckhardt. “Është thjesht çështje vullneti nëse ne e dëgjojmë zërin e shkencës”.
Lëvizja e grevave për klimën konsiderohet si lëvizje e decentralizuar rinore me struktura bazike demokratike. Kështu, ajo merr vendime në konsensus dhe shmang hierarkitë. Ajo nuk është e lidhur me ndonjë parti ose organizatë.
E-Diaspora
-
Bizneset nga diaspora vizitojnë “Shtëpinë e Kosovës” Pas eventit të mbajtur dje në Prishtinë ku u bashkuan rreth 350 biznese nga diaspora dhe...
-
Shqiptari diplomon në Columbia University në Nju Jork
-
Bernë: Promovohet libri “Gazmend Zajmi – Një jetë për Kosovën” me autor Nuhi Bytyçi
-
Tenori Ramë Lahaj në Toronto, me rastin e 25-vjetorit të ardhjes së refugjatëve nga Kosova në Kanada
-
Regjistrimi i popullsisë: Diaspora mund të regjistrohet online deri më 31 gusht
Jeta në Zvicër
-
Zvicra vendosi të ndajë të dhënat e pasagjerëve të fluturimit me policinë Pa planin e propozuar, Zvicra do të përballej me disavantazhe ekonomike...
-
4% e shoferëve në Zvicër drejtojnë makinën nën ndikimin e alkoolit
-
Përmbledhje e lajmeve nga Zvicra për të cilat duhet të dini këtë javë
-
Në cilat punë në Zvicër punëtorët e huaj fitojnë më shumë se zviceranët?
-
Kaos në tunelin Gotthard: Shoferët sulmojnë aktivistët e klimës (VIDEO)