Angli: 26-vjeçari shqiptar dënohet me 12 vjet burgim

Një emigrant i paligjshëm shqiptar, të cilit i janë gjetur 9.5 kilogramë kokainë, është dënuar me 12 vjet burgim.

S.S., 26-vjeçar, ishte kapur nga policia në shtator të vitit të kaluar, teksa po kalonte me veturë përgjatë rrugës Bowes, në Enfield, në veri të Londrës, shkruan mylondon, përcjell albinfo.ch.

Pas kontrollit të veturës së tij, policia gjeti një kilogram kokainë.

Pasi kontrolluan edhe shtëpinë e tij, ata gjetën edhe 8.5 kilogramë të tjerë kokainë.

Pas hetimeve, 26-vjeçari pranoi fajin se furnizonte me kokainë dhe u dënua.

Pas vuajtjes së dënimit, S.S. do të deportohet në Shqipëri.