Miliarderi i njohur thotë se duhet të punohet 12 orë në ditë, 6 ditë në javë

“Nëse nuk punoni kur jeni të rinj, kur duhet ta bëni këtë?”. Më lini t’ju pyes: “Nëse nuk shpenzoni më shumë energji se të tjerët, si mund ta arrini suksesin që dëshironi?”

Dita e punës me 12 orë? “Është bekim”, është shprehur miliarderi Jack Ma, themeluesi i gjigantit kinez të e-commerce Alibaba.

Nga account-i i tij në WeChat, Ma ka mbrojtur të ashtuquajturin “sistemi 996”: orari i punës nga ora 9:00 deri në orën 21:00, për një javë me 6 ditë pune. Pa këtë sistem, ka shkruar javën e kaluar Jack Ma, ekonomia kineze do të kishte “humbur me shumë gjasa vitalitetin dhe nxitjen”.

Ai theksoi më tej se nuk i pëlqen personat që janë të interesuar vetëm te tetë orët e përditshme “tipike”. Deklarata vjen pas debatit të hapur kohët e fundit nga një artikull i fundit që mbështeste idenë që “formula 996” do të dilte kundër ligjit në Kinë.

Ma, i cili vitin e kaluar dha dorëheqjen si president ekzekutiv i Alibaba, iu drejtua gjeneratave të reja të punonjësve: “Nëse nuk punoni kur jeni të rinj, kur duhet ta bëni këtë?”. Më lini t’ju pyes: “Nëse nuk shpenzoni më shumë energji se të tjerët, si mund ta arrini suksesin që dëshironi?”.

Pavarësisht se shumë vende po adoptojnë strategji më të kujdesshme ndaj balancës jetë profesionale, jetë personale, deklarata e Ma është mbështetur nga një tjetër sipërmarrës i botës së teknologjisë, si dhe mik i Ma, Richard Liu, i cili drejton gjigantin e shopping online në Kinë, JD.com. Sipas Liu, vitet e rritjes ekonomike të Kinës kanë rritur numrin e “dembelëve”, transmeton ‘monitor’.

“Në 4-5 vitet e fundit, JD nuk ka pushuar asnjë person nga puna, pra numri i punonjësve është rritur në mënyrë të shpejtë, po ashtu edhe numri i personave që bëjnë blerje online, ndërsa numri i atyre që punojnë në mënyrë efektive është reduktuar”, përcjell albinfo.ch.

---