Tematike
Kapet kosovari, 15 vjet pas arratisjes spektakulare nga burgu
Kjo ka ndodhur para dy javësh, në Aeroportin e Dyseldorfit, në Gjermani. Zvicra do të kërkojë ekstradimin e tij
Më 27 janar 2004, tre të burgosur kishin arritur të arratiseshin nga burgu Bostadel në Menzigen të Kantonit Zug. Ata, në një aksion spektakolar kanë prerë grilat e dritareve të një mbindërtimi në kulm të burgut dhe ia kanë dalë të ikin përmes një kantieri ndërtimi, te lidhur me kabllo të rrymës elektrike, shkruan zentralplus.ch.
Një ndihmës i tyre nga jashtë e kishte përforcuar kabllin në degët e një peme, ashtu që të tre të burgosurit të mund të kalonin në liri, pasi të ishin ngjitur në një lartësi prej 30 metrash, transmeton albinfo.ch. Njëri prej tyre ishte Ibrahim G., sot 42 vjeçar, i cili jetonte në Lucern ndërsa për 15 vite pas ikjes nga burgu ka jetuar i lirë.
Pas kësaj ikjeje, kanë kaluar dhjetë vite pa asnjë shenjë të dy të ikurve (i treti ishte zënë shüejt, në Cyrih). Por heshtjen e kishte ndërprerë shqiptari nga Kosova, Ibrahim G. Ai, në vitin 2014 u kishte shkruar një letër nga Kosova përgjegjësve për burgje në Kantonin e Lucernit por nuk kishte dhënë shënime për vendqëndrimin e tij. Aty ai kishte përshkruar rrethanat në vuajtjen e dënimit në burgun Bostadel.
Pesë vite më vonë, Ibrahim G. është ndaluar pasi ka kaluar15 vite në arrati. Kjo ka ndodhur para dy javësh, në Aeroportin e Dyseldorfit, në Gjermani. Kështu, nga tre të ikurit vetëm edhe njëri është ende në arrati.
Se si ka ndodhur saktësisht arrestimi, përgjegjësit e sektorit të burgjeve të Kantonit të Lucernit nuk kanë njohuri. Ata vetëm konfirmojnë se personi i kërkuar është arrestuar në Aeroportin e Dyseldorfit dhe tash ndodhet në Gjemrani. “Zyra Federale për Derejtësi do të kërkojë ekstradimin e tij” thotë një përgjegjës i sektorit në fjalë.
Së bashku me kosovarin Ibrahim G. Ishin arratisur edhe Marko L.. me prejardhje nga Serbia dhe një person me prejardhje kroate. Ky i fundit ishte arrestuar në Cyrih, pak kohë pas arratisjes, përcjell albinfo.ch. Vetëm Marko L., i cili sot është 38 vjeçar, vazhdon të jetë në arrati.
Ibrahim G. dhe Marko L. kanë qenë 27 gjegjësisht 23 vjeçarë në kohën kur kanë ikur nga burgu. Ata po vuanin dënimin për delikte droge prej afër 6 vitesh në burgun e Mezingenit. Është e habitshme se si kishin vendosur të arratiseshin edhe pse u kishte mbetur vetëm edhe një vit për të mbaruar vuajtjen e dënimit.
Të ngjashme
Të tjera nga Tematike
E-Diaspora
-
Vjenë
Vjenë: Kori Siparantum, edhe me një paraqitje në skenën prestigjioze Bëhet e ditur se kori Siparantum është shndërruar një prej përfaqësimeve më dinjitoze të Kosovës, përcjell...
-
“Deputetët nga këto shtete janë kundër anëtarësimit të Kosovës në KiE”
-
Gjenevë
Gjenevë: Ramë Dardania sjell ekspozitë më 14 qershor
-
Mentor Latifi është emëruar ambasador i ri i Kosovës në Zvicër
-
Spanjë: Vlerësohet shfaqja “Ëndrrat e Hamletit” e Mentor Zyberajt
Jeta në Zvicër
-
Linja ajrore SWISS rifillon fluturimet e saj drejt Iranit Pas pezullimit të operacioneve të saj në Bejrut dhe anashkalimit të hapësirës ajrore iraniane që nga...
-
Udhëtimi me tren nga Zvicra në këto qytete italiane do të ndërpritet për tre muaj
-
Mentor Latifi është emëruar ambasador i ri i Kosovës në Zvicër
-
Zvicër: Votimi i shtrenjtë për ligjin për furnizimin me energji elektrike
-
Policia e Thurgau-ut, me apel interesant