Kosova
Të pagjeturit, prioritet për misionin e EULEX-it
Sot po përkujtohen të pagjeturit në Kosovë, ndërsa Misioni i EULEX-it me anë të një njoftimi ka thënë se të pagjeturit janë prioritet për misionin e tyre në Kosovë.
“Familjet e personave të pagjetur mund të gjejnë ngushëllim vetëm atëherë kur të dinë fatin e të dashurve të tyre të pagjetur. Ne jemi këtu për t’iu ndihmuar institucioneve të Kosovës në procesin e gjatë dhe të ndërlikuar të identifikimit të saktë të personave të pagjetur, mënyrë kjo për të ecur përpara dhe njëkohësisht për të trajtuar të kaluarën “, ka thënë shefja e misionit të EULEX-it, Alexandra Papadopoulou.
Në njoftim thuhet edhe se ndonëse procesi i identifikimit është i një natyre të ndjeshme, të komplikuar dhe të gjatë, është jetike që ky proces të vazhdojë me qëllim që të gjenden përgjigje për fatin e të pagjeturve.
“Në këtë drejtim, EULEX-i u bën thirrje komuniteteve shqiptare dhe serbe të Kosovës që të ndihmojnë me dhënien e mostrave të gjakut për analiza të ADN-së për të lehtësuar këtë proces të rëndësishëm. EULEX-i ka kryer dhe ka marrë pjesë në 631 operacione në terren për të gjetur, identifikuar dhe ri-ndërlidhur mbetje njerëzore. Një numër prej 507 viktimave janë kthyer tek familjet e tyre. Përveç kësaj, dhe në bashkëpunim të ngushtë me Ministrinë e Drejtësisë dhe Zyrën e Bashkimit Evropian në Kosovë, EULEX-i është duke kontribuar në modernizimin e Institutit të Mjekësisë Ligjore me qëllim që ta bëjë atë institucion profesional dhe të qëndrueshëm”, thuhet tutje në komunikatë.
Të ngjashme
Të tjera nga Kosova
E-Diaspora
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave “Pa përpjekjet e duhura ka rrezik që shqipja pas 2, 3 brezave ndoshta jo të humbet...
-
Shqipja në Zvicër, pak histori dhe disa probleme aktuale
-
Artistja shqiptare, pjesë e filmit hollivudian, flet shqip
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë”
-
5 monumente të reja në Europë në nder të Heroit Kombëtar
Jeta në Zvicër
-
Në këtë kohë dhe vend priten kolona për festat publike në Zvicër Edhe pse priten bllokime të gjata trafiku, shërbimi i informacionit mbi trafikun vlerëson se mundësia për...
-
Vazhdon ulja e shkallës së papunësisë në Zvicër
-
Kosova në fokus të takimeve Zvicër – Itali
-
Prof. Dr. Schader: Pa përpjekjet e duhura, shqipja në Zvicër rrezikon të shuhet pas dy brezave
-
A po kthehet koronavirusi në Zvicër?