Couchepin: “Na duhet të punojmë më shumë dhe më gjatë”

Rritja e tensioneve në mes të pjesës frankofone dhe asaj gjermanofolëse nuk përjashtohet, thotë ish-ministri i ekonomisë, nga Partia Radikale Liberale (PLR/FDP)

“Do të na duhet të “punojmë më shumë dhe më gjatë për të kompensuar rënien e kontributit të migrimit,” pohon ish-Këshilltari Federal Pascal Couchepin (PLR/FDP – VS). Ai është shprehur kështu pas miratimit të iniciativës “kundër emigracionit masiv”.

Gara për të rritur moshën e pensionit do të rifillojë, thotë ai ndër të tjera në një intervistë të botuar të martën në gazetën e përditshme frankofone “Le Temps”.

“Nuk është krim, por kështu nuk kanë menduar të gjithë ata që votuan “po”. Financimi i sigurimeve shoqërore do të bëhet më i vështirë në përgjithësi.

Klima e brendshme do të ngurtësohet dhe marrëdhëniet në mes të punëdhënësve dhe sindikatave do të kenë tendencë të tensionohen. Shoqëria do të orientohet në drejtim të përpjekjeve për më shumë prodhim, rezultat dhe efikasitetit.

Couchepin në vazhdim pyet mos ndoshta ishte kjo ajo që dëshironte “fshehurazi Christoph Blocher.”

Shpërndarja e pasurisë mund të shkaktojë konflikte. Rritja e tensioneve në mes të pjesës frankofone dhe asaj gjermanofolëse nuk përjashtohet, thotë ish-ministri i ekonomisë nga Partia  Radikale Liberale (PLR/FDP).

Mungesë ekuilibri në pushtet

Couchepin tregohet pak optimist për shanset e Zvicrës në negociatat me Bashkimin Evropian (BE). “Një vend prej 8 milion njerëz, madje edhe i pasur, i cili negocion me BE-në dhe 500 milionë banorët e tij, është në një gjendje të çekuilibrit fillimisht. Ne mund të kemi ndonjë rezultat të por ne nuk duhet të verbohemi me aftësitë tona sa i përket mundësisë për të imponuar një rregull.

Sipas ish-Këshilltarit, BE-ja mund të kërkojë një kompensim nëse ajo pranon t’i japë Zvicrës një solucion të jashtëzakonshëm në lidhje me lëvizjen e lirë të personave. Është e mundshme që BE-ja do t’i kërkojë një shpërblim financiar si kontribut solidariteti për ndërtimin e tregut të brendshëm.

Përveç kësaj, “ne mund të supozojmë se pjesëmarrja jonë në programin kërkimor evropian nuk do të rinovohet. Qasje të reja në tregun e BE-së për kompanitë tona do të bllokohet”.