Hapet Pavijioni i Kosovës në festivalin prestigjioz të Kanës

QKK

Edhe këtë vit, për herën e tetë me radhë, është hapur Pavijoni i Kosovës në kuadër të Festivalit të Kanës në Francë, përcjell albinfo.ch.

Këtë herë, Kosova do të ketë pavijonin e përbashkët me Shqipërinë, që do të jetë më i hapur deri më 23 maj 2019, kanë njoftuar nga Qendra Kinematografike e Kosovës.

QKK do ta përfaqësojë Kosovën në tregun më të madh të filmit në botë, ‘Marche Du Film’, në kuadër të këtij festivali, përcjell albinfo.ch.

“Qendra Kinematografike e Kosovës do të promovojë filmat e fundit kosovarë në kategori dhe faza të ndryshme të zhvillimit, gjithashtu do të ketë takime me partner ndërkombëtar të kinematografisë, fonde filmi, përfaqësues të festivaleve të mëdha ndërkombëtare dhe producent e distributor të ndryshëm”, kanë njoftuar nga QKK.

Shtandi i Kosovës gjendet në – Village International Riviera – Pavilioni nr. 131.

Ndërkaq, ky është edicioni i 72-të i Festivalit të Kanës.