Shtetet me internetin më të shpejtë në botë

Interneti sot është pjesë e rëndësishme dhe e pandashme e punës, por edhe e jetës në përgjithësi, shkruan albinfo.ch.

E po ashtu, shpejtësia e internetit është element kryesor që mundëson shërbime sa më të mira dhe të shpejta online.

Shpejtësia e internetit dallon nga shteti në shtet. Bazuar nga një infografikë të publikuar nga REL, Singapori, Hong-Kong, Koreja Jugore, Rumania dhe Andora janë pesë vendet që kanë internetin më të shpejtë në botë, përcjell albinfo.ch

Kosova është renditur e 56-ta, me një shpejtësi prej 39.6 megabit për sekondë (Mbps). Kurse shpejtësia mesatare e internetit në botë është 58.6 Mbps

Ndërkaq, si vendet me internetin më të ngadalshëm në botë janë cilësuar Timori Lindor, Venezuela, Mauritania, Jemeni dhe Turkmenistani.