Finalizohet projekti Katedralja e Artanës, financim i Gjermanisë

Është finalizuar projekti për Katedralën e Artanës, i financuar nga shteti gjerman.

Gjatë ditë së sotme Kryeministri i Kosovës Ramush Haradinaj ka njoftuar se kanë finalizuar një projekt të rëndësishëm për historinë dhe kulturën kosovare.

“Me financim të shtetit gjerman u finalizua edhe një projekt i rëndësishëm për kulturën dhe historinë tonë. Katedralja e Artanës si trashëgimi kulturore dhe fetare është histori në vete, e pasuron më shumë identitetin tonë dhe është dëshmi e bashkëjetesës në këto hapësira. Ndjenjë e mirë që sot po shohim jetësimin e një investimi të rëndësishëm, që është tregues për përkushtimin e shtetit mik në identifikimin dhe restaurimin e pasurisë kulturore të Kosovës”, ka shkruar Haradinaj në facebook.