12 milionë franga për fshatin, ku ndodhi rrëshqitja më e madhe e dheut në 130 vjet në Zvicër

Autoritetet zvicerane premtojnë miliona franga për të rindërtuar fshatin zviceran të goditur nga rrëshqitja e dheut

Autoritetet zvicerane kanë rezervuar mbi 12 milionë franga për të financuar dy projekte të tjera në fshatin e largët malor të Bondos në Zvicrën juglindore, si dhe vendbanimet fqinje, të cilat u shkatërruan nga një rrëshqitje e dheut dy vjet më parë, shkruan “Swissinfo.ch”.

Kantoni Graubünden njoftoi të enjten se kishte miratuar 9.6 milionë franga për masa të menjëhershme, si dhe shpenzimet e pastrimit dhe të deponisë. Projekti duhet të përfundojë deri në vitin 2023, përcjell albinfo.ch.

Kantoni do të paguajë 2.08 milionë franga të tjera për riparimin e infrastrukturës pyjore në rrethin lokal. Sipas qeverisë, projekti i rindërtimit Bondo përfshin gjashtë nën-projekte shtesë.

Në gusht të vitit 2017, tre milionë metra kub gurë u rrëzuan nga mali i Piz Cengalo në Zvicrën Lindore, duke shkaktuar një rrëshqitje të thellë në luginë. Ajo ishte rrëshqitja më e madhe në Zvicër në mbi 130 vjet, përcjell tutje albinfo.ch.

Tetë udhëtarë u vranë dhe disa shtëpi u shkatërruan në katastrofë. Rreth 500,000 metra kub rrënojash dhe baltësh rrjedhën poshtë Val Bondasca në Bondo dhe vendbanimet përreth të Promontogno, Sottoponte dhe Spino.

---