E-Diaspora
Shqiptarët nga Zvicra bëjnë me shtëpi familjen me 7 jetimë
Rijadi dhë bashkëshortja nuk u mjaftuan vetëm me 20 000 euro që dhuruan për shtëpinë. Ata do të paguajnë për 3 vjet me radhë, pension mujor për familjen e Pranverës
Pasiguria e Pranverës për pronësinë e shtëpisë së re ka lënë mbresa të thella te Elvis Naçi. Elvisi tregoi në studio se Pranvera nuk e kishte idenë se çfarë ndodhte në emission, sepse nuk kishin patur as televizor as celular për të kuptuar se cfarë ndodhte me familjet që ndihmoheshin nga shqiptarët.
Në studio teksa Elvisi tregonte, ishin të pranishëm Adnan Fazlliu dhe Rijad Bajrami, dy shqiptarë që jetojnë në Zvicër. Adnani dhe Rijadi dhanë shuma parash për shtëpinë Pranverës me shtatë fëmijë dhe ndoqën nga studioja përjetimet e tyre kur hynë në shtëpinë e re.
Adnani tregoi se ndihma për familjet në nevojë është detyrë e çdo shqiptari . “Shqiptarët janë një trup dhe kur lëngon një gjymtyrë, lëngon gjithë trupi”, tha ai.
Ai tregoi se e kanë vizituar familjen e Pranverës në shtëpinë e re dhe tha se historia e tyre vërteton më së miri se “pas çdo dimri vjen pranvera”, shkruajnë mediat shqiptare.
Elvisi zbuloi se frymëzuese është bashkëshortja e Adnanit, e cila kërkoi me ngulm që të ndihmohet kjo familje me shtatë jetimë, përcjell albinfo.ch.
Edhe Rijadi është prekur shumë nga ky rast dhe kërkoi të kontribuojë. Si baba i 4 fëmijëve ai nuk kishte si të mos prekej nga kjo histori, që kishte në qendër 7 fëmijë jetimë. Rijadi dhë bashkëshortja nuk u mjaftuan vetëm me 20 000 euro që dhuruan për shtëpinë. Ata do të paguajnë për 3 vjet me radhë, pension mujor për familjen e Pranverës.
Elvisi tha se ishte këmbëngulja e tij që këta dy shqiptarë të vinin nga Zvicra për të ndarë gëzimin, sepse përqafimi i njerëzve mirënjohës ta bën zemrën mal.
Adnani dhe Rijadi treguan se emisioni “Shqiptarët për shqiptarët” ka shikueshmëri të madhe edhe në Zvicër nga shqiptarët që jetojnë aty. Elvis Naçi iu dhuroi Adnanit dhe Rijadit një dhuratë simbolike mirënjohje për kontributin dhe ndihmën ndaj njerëzve në nevojë.
Të ngjashme
Opinione tjera
E-Diaspora
-
Vjenë
Suedi: Ekipi “kikiriki” nga Vjena fitoi vendin e parë në konkursin “Kuizi i Diturisë” Siç e dini “Kikiriki-shqip me fëmijë” është emision gjithëpërfshirës në gjuhën amtarë, ku fëmijët shqiptarë nga...
-
5 monumente të reja në Europë në nder të Heroit Kombëtar
-
Gjuha shqipe forcon integrimin
-
Flisni shqip në Zvicër!
-
RTS: “Toka Brenda Meje” e Fisnik Maxville-it trajton traumën e Kosovës
Jeta në Zvicër
-
Neuchâtel: Një algjerian 29-vjeçar u gjet pa shenja jete, në qeli La Chaux-de-Fonds, Neuchâtel: Trupi i tij i pajetë u gjet nga rojat e burgut rreth orës...
-
Kantonet zvicerane me plane për të punësuar më shumë mësues të huaj
-
Bernë: Merret vendimi për gruan e cila vrau kryetarin e bashkisë së Lauterbrunnen pasi e goditi 58 herë me thikë
-
Pse Zvicra subvencionon tarifat vetëm për disa studentë të huaj?
-
Prodhuesi zviceran i thikave të ushtrisë në përpjekje për të përmbushur kufizimet globale të tehut