Biznesmeni nga Omani, i interesuar të investojë në Kosovë

Foto: Ramush Haradinaj/Fb

Kryeministri i Kosovës, Ramush Haradinaj, ka njoftuar se është takuar me Muhamed Al Barwani, investitor nga Omani, përcjell albinfo.ch.

Haradinaj po ashtu ka thënë se Al Barwani ka shprehur interesim që të investojë në sektorin minerar, të turizmit, bujqësi dhe sektorë të tjerë me potencial ekonomik të vendit.

Me këtë rast, Haradinaj ka thënë se qeveria po punon që t’u ofrojë kushte më të mira investitorëve.

“Si Qeveri jemi të fokusuar që investimet e huaja të jenë sa më të pranishme dhe në këtë drejtim kemi punuar që investitorëve t’u ofrojmë kushtet më të mira për investim, me qëllim të zhvillimit ekonomik të vendit dhe hapjen e vendeve të reja të punës”, ka shkruar Haradinaj në Facebook.