Bota
SHBA, kapet sasia më e madhe e drogës
Autoritetet federale njoftuan të martën se kanë sekuestruar sasinë më të madhe të drogës në historinë e SHBA-së. Bëhet fjalë për rreth 16 tonë kokainë që u gjet në një anije të ankoruar në Filadelfia.
Sipas agjentëve federalë, vlera në treg e drogës së konfiskuar arrin në 1 miliard dollarë.
Në një deklaratë Prokurori i Përgjithshëm i Pensilvanisë, William McSwain, tha se sasia e kokainës “mund të vriste me miliona njerëz”.
Droga ishte e fshehur në shtatë kontenierë në bordin e anijes së mallrave “MSC Gayane”, e cila kishte një flamur të Liberisë.
Dy anëtarë të ekuipazhit përballen me akuza federale për trafik droge.
Sipas dokumenteve të paraqitura në gjykatë të martën Ivan Duraseviç dhe Fonofaavae Tiasage akuzohen për komplot e posedim kokaine, në një anije që ndodhet nën juridiksionin e SHBA-së. Ivan Duraseviç u tha hetuesve se ishte paguar 50 mijë dollarë për të futur drogën kontrabandë.
Anija mbërriti në Filadelfia të martën herët në mëngjes. Ajo kishte bërë ndalesa në Kili, Panama dhe Bahamas dhe kishte si destinacion Evropën, shkruan VOA, përcjell Albinfo.ch.
Më muajin mars agjentët konfiskuan 538 kilogramë kokainë në portin e Filadelfias me vlerë rreth 38 milionë dollarë.
Të ngjashme
Të tjera nga Bota
E-Diaspora
-
Arnold “The Cobra” Gjergjaj triumfon në luftën e fundit Gjatë së shtunës Arnold “The Cobra” Gjergjaj triumfoi kundër Dennis Lewandowski. Kjo ndeshje e madhe u...
-
Nju-Jork: Baleti Kombëtar i Kosovës me dy shfaqje
-
Belgjikë: Kori “Siparantum” do të dhuroj paraqitje dinjitoze
-
Çikago: Pianistja Anila Aliu, me koncert recital
-
Sopranoja Elbenita Kajtazi ndan bursa vjetore për studentët shqiptarë të muzikës
Jeta në Zvicër
-
Mostransparencë e plotë në marrëveshjet mes siguruesve dhe spitaleve private Çështja shkaktoi një reagim këtë fundjavë, disa mbajtës të policave që përfitojnë sigurim plotësues nga Groupe...
-
Procedura e shpejtë e azilit zbatohet në katër nga gjashtë qendrat federale
-
Bernë: Parukierja me kombinim të pazakontë – prerje, larje dhe këshilla juridike
-
Zgjedhjet Evropiane 2024: Një e katërta e popullsisë zvicerane ka të drejtë vote
-
Zvicër: 26-vjeçari vozit me 161 km/h në zonën e kufizimit 80 km/h