Këshilla për ushqime të sigurta gjatë verës

Foto ilustrim

Ekspertët e Shëndetit Publik kanë dhënë disa këshilla për një ushqim sa më të sigurt në ditët e nxehta të stinës së verës.

Sipas tyre, ngjyra e mishit nuk është një shenjë e besueshme nëse mishi është i sigurt për t’u ngrënë. Mishi mund të marrë ngjyrë kafe përpara se të gjitha bakteret të kenë ngordhur. Ndaj, ekspertët rekomandojnë që të kontrolloni temperaturën e mishit që po gatuani në skarë, duke e hequr nga skara dhe duke e vendosur në një pjatë të pastër, transmeton ATSH.

Meqenëse ndotësit e ndryshëm të ushqimit nuk mund t’i shohim, t’i shijojmë dhe t’i ndiejmë, është e rëndësishme që ushqimi të gatuhet në një temperaturë të sigurt për të shmangur helmimin nga ushqimi.

Temperaturat e gatimit për mishin, mishin e shpendëve dhe prodhimet e detit janë të ndryshme, por variojnë midis 70°C dhe 75°C.