Kryeministri Haradinaj, mirënjohje për kongresistin Engel

Foto: Ramush Haradinaj (Fb)

Kryeministri i Kosovës, Ramush Haradinaj, është takuar sot me Kryetarin e Komisionit të Politikës së Jashtme në Kongres Amerikan, Eliot Engel, përcjell albinfo.ch.

Përmes një postimi në Facebook, ai ka shprehur mirënjohjen për Engel-in, mikun e madh të shqiptarëve, siç i është referuar Haradinaj.

Po ashtu, kryeministri ka thënë se Kosova është me fat që pati përkrah një politikan si Eliot Engel.

Postimi i plotë i Haradinajt:

Kongresisti Eliot Engel është memorie e gjithë rrugëtimit historik të Kosovës. Fat i madh për vendin që në gjithë këto vite, për të realizuar të drejtën tonë dhe për të arritur këtu ku jemi sot ne kishim një zë të fuqishëm përkrah. I lumtur si në çdo rast tjetër, ta pres sot Kryetarin e Komisionit të Politikës së Jashtme në Kongres Amerikan, Eliot Engel dhe të ndajë me të të arriturat e vendit, sfidat dhe aspiratat tona. Kosova është e përcaktuar për të ardhmen euro-atlantike, në miqësi të përhershme me ShBA-të, fqinjësi të mirë me vendet e rajonit dhe përmbylljen e dialogut me Serbinë, me një marrëveshje finale, ligjërisht të obligueshme që çon në njohje reciproke në kufijtë ekzistues. Përjetë mirënjohës mikut të madh të shqiptarëve për tërë mbështetjen ndër vite! RH